Çilili tennisçi Xuan-Karlos Saes antikorrupsiya qaydaları pozduğu üçün ağır cəzaya məruz qalıb.
APA-nın məlumatına görə, idmançı 8 illik diskvalifikasiya olunub.
Cənubi amerikalı 12,5 min dollar cərimə də ödəməlidir. Vaxtilə ATP reytinqində 230-cu yerdə qərarlaşan 28 yaşlı çilili danışılmış oyunlarla mübarizə aparan “Tennis Integrity Unit”in şübhə dairəsinə düşüb.
Qurum X.K.Saesin oyunlarına pul qoyuluşlarında qeyri-adi fəallıq müşahidə edib. O, mobil telefonunu araşdırmalarda istifadə olunmaq üçün verməkdən də dəfələrlə yayınıb. Amma yekunda tennisçi korrupsiya şəbəkəsi ilə bağlılıqlarını etiraf edib.
X.K.Saes hazırda reytinqdə 1082-cidir. Onun karyerasının rekordu olan 230-cu pillə isə 2015-ci ilin sentyabrında olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
