"Azərbaycanda turizmin inkişafı üçün geniş potensial mövcuddur. Qarabağ turizm üçün gözəl məkandır. Hazırda aparılan yenidənqurma və bərpa işləri Qarabağı turistlər üçün gözəl məkan edəcək".
APA-nın məlumatına görə, bunu Rumıniya nümayəndə heyətinin ölkəmizə səfəri çərçivəsində Azərbaycan və Rumıniya Hökumətlərarası Komissiyasının iclasında Dövlət Turizm Agentliyinin Aparat rəhbərinin müavini Cəlil Məlikov deyib.
O bildirib ki, pandemiya turizm sahəsinə ciddi mənfi təsir edib:
"Rumıniya ilə turizm sahəsində münasibətləri inkiaf etdirmək üçün geniş potensial var. Turizm sənayesinin nümayəndələri arasında görüşlərin keçirilməsi Azərbaycan və Rumıniya arasında bu sahədə əməkdaşlığın inkişafı üçün vacibdir".