Azərbaycanda unudulmaqda olan yeməklərdən ibarət marşrutlar hazırlanması istiqamətində iş aparılır.
APA xəbər verir ki, bunu Dövlət Turizm Agentliyinin sədr müavini Azadə Hüseynova “Azərbaycanın qastroturizm perspektivləri” mövzusunda keçirilən tədbirdə deyib.
O bildirib ki, yaxın zamanda işlər yekunlaşacaq:
"Əvvəlcə pilot olaraq 2-3 turun təşkili nəzərdə tutulur. Daha sonra bu marşrutlar biznes üçün açıq olacaq".
Sədr müavini həmçinin qeyd edib ki, qastronomiya ilə bağlı İpək yolu adlı marşrutu da hazırdır:
"Şamaxıda bu istiqamətdə tədbirin keçirilməsi nəzərdə tutulur. Burada dünyanın müxrəlif ölkələrindən, o cümlədən türk dövlətlərindən nümayəndələr iştirak edəcək".