Azərbaycanda turizm xidmətlərinin keyfiyyətini artırımaq məqsədilə yeni fəaliyyət mexanizmləri hazırlanıb

Azərbaycanda turizm xidmətlərinin keyfiyyətini artırımaq məqsədilə yeni fəaliyyət mexanizmləri hazırlanıb
  • Clock-gray 12:01
  • calendar-gray 15 Yanvar 2020

"Azərbaycanda turizm xidmətlərinin keyfiyyətinin artırılmasına dəstək verəcək iki yeni fəaliyyət mexanizmi hazırlanıb".

APA xəbər verir ki, bunu Azərbaycan Turizm Agentlikləri Assosiasiyasının sədri Rüfət Hacıyev bildirib. Onun sözlərinə görə, həmin mexanizmlərdən biri Azərbaycan turizm sektoru nümayəndələri üçün nəzərdə tutulan tövsiyə xarakterli etik kodeksidir: "Digər mexanizm isə assosiasiyaya üzv olan turizm şirkətləri ilə onların xidmətlərindən yararlanan müştərilər arasında ikitərəfli müqavilənin imzalanmasıdır. Bu müqavilə vahid bir sənəd olaraq, turagentlə müştərilərin hüquq və vəzifələrini özündə əks etdirəcək".

R.Hacıyev əlavə edib ki, Azərbaycan Turizm Assosiasiyasına Azərbaycan turizminin inkişafında, əcnəbilərin ölkəmizə olan marağının artırılmasında, daha çox turistin ölkəyə cəlb olunmasında maraqlı tərəf kimi standartlara cavab verən 50 turizm şirkətləri üzv qəbul edilib: "Bu gün əsas məqsəd turizm agentliklərinin vahid platformasını yaratmaq, turizm şirkətləri ilə dövlət arasında əməkdaşlığın effektiv qurulmasına və inkişafına nail olmaq, turizm məhsulları və servis xidmətlərinin keyfiyyətini yüksəltməkdir".

Əsmər Qabil

Digər xəbərlər

Arxiv

date