Bu il xarici ölkələrə səfər edən Azərbaycan vətəndaşlarının sayı 18% artıb

Bu il xarici ölkələrə səfər edən Azərbaycan vətəndaşlarının sayı 18% artıb
  • Clock-gray 12:30
  • calendar-gray 21 Oktyabr 2019

Bu ilin yanvar-sentyabr aylarında xarici ölkələrə gedən Azərbaycan vətəndaşlarının sayı əvvəlki ilin müvafiq dövrü ilə müqayisədə 17,9% artaraq 4 201,5 min nəfər olub.

APA-Economics”in Dövlət Statistika Komitəsinə istinadən verdiyi məlumata görə, ölkə vətəndaşlarının 36,3%-i İrana, 29%-i Gürcüstana, 17,5%-i Rusiyaya, 11,8%-i Türkiyəyə, 5,4%-i isə digər ölkələrə gedib. Gedənlərin 63,8%-ni kişilər, 36,2%-ni qadınlar təşkil edib.

Bu dövrdə İrana gedən Azərbaycan vətəndaşlarının sayı 39,1%, Gürcüstana gedənlərin sayı 12,7%, Rusiyaya gedənlərin sayı 6,5%, Türkiyəyə gedənlərin sayı isə 4,7% artıb.

Cari ilin yanvar-sentyabr aylarında xarici ölkələrə səfər etmiş Azərbaycan vətəndaşlarının 82,1%-i dəmir yolu və avtomobil, 17,2%-i hava, 0,7%-i isə su nəqliyyatından istifadə edib.

APA-Economics

Digər xəbərlər

Arxiv

date