Turizm

Ana səhifə

Turizm

Əcnəbilər üçün dünyanın ən bahalı şəhərlərinin reytinqi açıqlanıb - TOP-10

13 iyun 2019 13:45 (UTC +04:00)

“ECA International” konsaltinq agentliyi daşınmaz əmlakın dəyəri üzrə apardığı qlobal tədqiqatın (“Cost of Living Index”) nəticələrini açıqlayıb. Tədqiqat çərçivəsində əcnəbilərin yaşaması üçün ən bahalı və ən ucuzlu şəhərlər qeyd olunub.

“APA-Economics”in xarici mətbuata istinadən verdiyi məlumata görə, reytinq hazırlanarkən sıravi əcnəbiyə əlçatan olan əmtəə və xidmətlər üzrə istehlak səbəti qiymətləndirilib. Ekspertlər ət, balıq, baqqal malları, meyvə və tərəvəz kimi ərzaq məhsullarının qiymətlərini müqayisə ediblər. Eyni zamanda istirahət, gündəlik xidmət, geyim, ev əşyaları, alkoqol və tütün məmulatlarına olan maliyyə əlçatanlığı da nəzərə alınıb.

Buna baxmayaraq, təhlil zamanı evin kirayəsi, kommunal xidmətlər (elektrik enerjisi, qaz və su), avtomobil alışı və məktəb haqları kimi parametrlər istisna edilib.

Ümumilikdə, tədqiqat zamanı dünyanın 482 şəhərinin istehlak səbətləri müqayisə olunub.

Əcnəbilərin yaşaması üçün dünyanın ən bahalı şəhərləri:

#	Şəhər	Ölkə
1	Aşqabad	Türkmənistan
2	Sürix	İsveçrə
3	Cenevrə	İsveçrə
4	Honkonq	Çin
5	Bazel	İsveçrə
6	Bern	İsveçrə
7	Tokio	Yaponiya
8	Seul	Cənubi Koreya
9	Tel-Əviv	İsrail
10	Şanxay	Çin