Yeddi tarix-memarlıq və mədəniyyət qoruğu, “Şahdağ” Qış-Yay Turizm Kompleksi Dövlət Turizm Agentliyinin tabeliyinə verilib

Yeddi tarix-memarlıq və mədəniyyət qoruğu, “Şahdağ” Qış-Yay Turizm Kompleksi Dövlət Turizm Agentliyinin tabeliyinə verilib
# 13 iyun 2018 08:31 (UTC +04:00)

Azərbaycanda 7 dövlət tarix-memarlıq və tarix-mədəniyyət qoruğu Dövlət Turizm Agentliyinin tabeliyinə verilib.

APA-nın məlumatına görə, bu, Nazirlər Kabinetinin təsdiq etdiyi “Azərbaycan Respublikası Dövlət Turizm Agentliyinin strukturuna daxil olmayan tabeliyindəki qurumların Siyahısı”nda əksini tapıb.

Qərara əsasən, “Yanar dağ” Dövlət Tarix-Mədəniyyət və Təbiət Qoruğu, “Atəşgah məbədi” Dövlət Tarix-Memarlıq Qoruğu, “Basqal” Dövlət Tarix-Mədəniyyət Qoruğu, “Xınalıq” Dövlət Tarix-Memarlıq və Etnoqrafiya Qoruğu, “Lahıc” Dövlət Tarix-Mədəniyyət Qoruğu, “Yuxarı Baş” Dövlət Tarix-Memarlıq Qoruğu (Şəki şəhəri “Karvansaray” Mehmanxana Kompleksi daxil olmaqla) və “Kiş” Tarix-Memarlıq Qoruğu Dövlət Turizm Agentliyinin strukturuna daxil olmayan tabeliyindəki qurumların Siyahısına daxil edilib.

“Şahdağ” Qış-Yay Turizm Kompleksi və Milli Kulinariya Mərkəzi də Dövlət Turizm Agentliyinin strukturuna daxil olmayan tabeliyindəki qurumların siyahısında yer alıb.

Qeyd edək ki, bu qoruqlar əvvəllər Mədəniyyət və Turizm Nazirliyinin tərkibinə daxil olub. Mədəniyyət və Turizm Nazirliyinin əsasında Mədəniyyət Nazirliyi və Dövlət Turizm Agentliyi yaradılıb.

#
#

ƏMƏLİYYAT İCRA OLUNUR