Azərbaycan Diplomatik Akademiyası ABŞ-ın Corctaun Universiteti ilə birgə “Diplomatik Təlim Proqramı”nın həyata keçirilməsinə başlayıb
05 mart 2007 09:47 (UTC +04:00)
Azərbaycan Diplomatik Akademiyası (ADA) martın 5-dən 9-dək ABŞ-ın Corctaun Universiteti ilə birgə Xarici İşlər Nazirliyinin 30 nəfər əməkdaşı üçün “Diplomatik Təlim Proqramı”nın həyata keçirilməsinə başlayıb. ADA-dan APA-ya verilən məlumata görə, təlim proqramını aparmaq üçün Corctaun Universitetinin professorları Uilyam Hil, Ceyms Sivers və Riçard Şmiyarer Azərbaycana gəliblər. Təlimin keçiriləcəyi beş gün ərzində iştirakçılara səfirliyin fəaliyyəti, rəsmi qonaqların qəbulu, hesabat və təhlillərin hazırlanması, mətbuat və informasiya məsələləri, ictimai əlaqələr, mədəniyyət və təhsil məsələləri, konsul idarələrinin fəaliyyəti, çoxtərəfli diplomatiya və ikitərəfli əlaqələrin qurulması ilə bağlı əhəmiyyətli məlumatlar veriləcək. Ölkəmizdə akkreditasiya olunmuş müxtəlif səfirliklərdən və dövlət qurumlarından dəvət olunmuş qonaqlar isə öz mülahizə və təcrübələrini bölüşəcəklər. Təlim ADA-nın 2007-ci il İxtisasartırma Proqramı çərçivəsində həyata keçirilir. Proqramın əsas məqsədi gənc diplomatlara gələcək işlərində lazımi bilikləri qazanmaqda yardım etməkdir. İxtisasartırma Proqramı ərzində xarici ölkələrin digər tanınmış universitetləri ilə birgə müxtəlif mövzulu təlimlərin keçirilməsi nəzərdə tutulub. /APA/
Xarici siyasət
Qırğızıstan Prezidenti Sadır Japarov Bakıda şəhidlərin xatirəsini anıb
18:39
24 aprel 2024
Erməni tarixçi: “Erməni soyqırımı” xalqları düşmən etmək üçün ortalığa atılan bir oyundur - MÜSAHİBƏ
18:36
24 aprel 2024
Sadır Japarov Fəxri xiyabanda Ulu Öndər Heydər Əliyevin məzarını ziyarət edib
18:24
24 aprel 2024
Estoniya Azərbaycan və Ermənistan arasında delimitasiya ilə bağlı son razılaşmanı alqışlayıb
15:59
24 aprel 2024