Azərbaycan Ukraynada başlayan müharibənin ilk günüdən bu ölkəyə yardım edən ölkələr sırasında yer alıb.
APA xəbər verir ki, bunu Polşanın Azərbaycandakı səfiri Rafal Poborski "Ana, mən müharibə istəmirəm" adlı polşalı uşaqların İkinci Dünya müharibəsi dövründə çəkdikləri rəsmlərdən ibarət sərginin açılışında çıxış edərkən deyib.
Səfir Azərbaycan-Ermənistan sərhədində baş verənlərdən narahatlığını da ifadə edib.
“Ukrayna yalnız öz azadlığı üçün deyil, bizim azadlığımız üçün də savaşır. Biz Azərbaycanın Ukraynaya göstərdiyi yardımı qiymətləndiririk, bu ağır zamanda Azərbaycan Ukraynaya yardım edənlər arasında olub”, - səfir əlavə edib.
Diplomat vurğulayıb ki, azərbaycanlı uşaqlar da polşalı, ukraynalı uşaqlar kimi, müharibənin acılarını görüb: “Azərbaycanlı uşaqların müharibədə yaşadığı əzabı unutmamalıyıq. Bu günlərdə Ermənistan-Azərbaycan sərhədində toqquşma nəticəsində itkilər barədə məlumatlar alırıq. Azərbaycanlı dostlar, mənim səmimi başsağlığımı qəbul edin. Mən Ukrayna və Azərbaycana sülh arzu edirəm”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
