"Azərbaycan və Ermənistan hökumətləri arasında saxlanılmış ermənilərin və minalanmış ərazilərin xəritələrinin mübadiləsinə dair əldə olunmuş razılaşma Qərblə sıx əməkdaşlığın və regionun geosiyasi proseslərində fəal iştirakımızın bariz nümunəsidir".
APA-nın yerli bürosu xəbər verir ki, bunu Gürcüstanın Baş naziri İrakli Qaribaşvili 2021-ci il üzrə illik hesabatını təqdim edərkən deyib.
Baş nazir qeyd edib ki, qarşıdakı dövrdə Gürcüstan-Azərbaycan, Gürcüstan-Türkiyə və Gürcüstan-Ermənistan siyasi-iqtisadi əlaqələrinin gücləndirilməsi, mövcud potensialın maksimum istifadəsi və regionda infrastruktur layihələrinin inkişaf etdirilməsi kimi məsələlər Gürcüstan hökumətinin əsasəs fəaliyyət istiqamətlərindən biri olacaq.
O bildirib ki, Gürcüstan beynəlxalq gündəmdə mühüm rol oynamaqda davam edir və müxtəlif sahələrdə strateji tərəfdaşları ilə mövcud əlaqələri daha da intensivləşib.