Gürcüstanla Azərbaycan arasında münasibətlər zamanın sınağından çıxıb və qarşılıqlı etimad ən yüksək səviyyədədir.
APA-nın Tbilisi müxbiri xəbər verir ki, bunu Gürcüstanın Baş naziri İrakli Qaribaşvili Davosda keçirilən Dünya İqtisadi Forumunda “Avrasiya Orta Dəhlizi: Yoldan magistrala” mövzusunda panel iclasda deyib. O, iki ölkənin birlikdə bir çox strateji əhəmiyyətə malik layihələr həyata keçirdiyini vurğulayıb. Baş nazir qeyd edib ki, hazırda Gürcüstanla Azərbaycan Bakı-Tbilisi-Qars (BTC) dəmir yolu xəttinin ötürücülük qabiliyyətinin artırılaraq illik 48 milyon tona çatdırılması üzərində işləyir.
“Biz indi bu xətti modernizasiya edirik. Layihə 2024-cü ilin sonuna qədər tamamlanacaq və həmin mərhələdə tutum 48 milyon tona çatdırılacaq. Bunlar çox strateji əhəmiyyətli obyektlərdir. Mən Gürcüstanla Azərbaycan arasındakı münasibətləri də qeyd etmək istərdim. Bizim əlaqələrimiz zamanın sınağından çıxıb. Etimad ən yüksək səviyyədədir. Biz birlikdə çox mühüm tarixi layihələri, neft və təbii qaz kəmərlərini, indi isə dəmir yolu layihəsini və gələcəkdə olacaq bir çox başqa layihələri həyata keçirmişik”, - deyə Gürcüstanın baş naziri bildirib.
***
18.25
“Azərbaycan və Gürcüstan arasında güclü, sınaqdan çıxmış münasibətlər var”.
APA xəbər verir ki, bu barədə Gürcüstan Baş naziri İrakli Qaribaşvili Davosda keçirilən Dünya İqtisadi Forumunda “Avrasiya Orta Dəhlizi: Yoldan magistrala” mövzusunda panel iclasda deyib.
Baş nazir Qaribaşvili bildirib ki, Gürcüstan və Azərbaycan etibarlı və yaxın tərəfdaşlardır.
“Biz Azərbaycanla genişmiqyaslı, əhəmiyyətli layihələr həyata keçirmişik və bu, davam edir”, - Qaribaşvili əlavə edib.
Səid Babazadə
Zümrüd Paşkin
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
