Səfir: “Azərbaycan və İsveçrə arasında zəngin əməkdaşlıq əlaqələri var” - FOTOSESSİYA

Səfir: “Azərbaycan və İsveçrə arasında zəngin əməkdaşlıq əlaqələri var”  - FOTOSESSİYA
# 11 iyul 2019 19:49 (UTC +04:00)

“20 ildən çoxdur Azərbaycan və İsveçrə arasında bir çox layihə uğurla həyata keçirilib. Gələcəkdə isə daha sıx əməkdaşlıq edəcəyimizə ümid edirəm”.

APA-nın xəbərinə görə, bunu İsveçrənin Azərbaycana yeni təyin olunmuş səfiri Muriel Peneveyre İsveçrənin Milli Günü və Azərbaycan və İsveçrə arasında ikitərəfli texniki əməkdaşlığın 20-ci il dönümünə həsr olunmuş rəsmi qəbulda deyib.

Səfir bildirib ki, iki ölkə arasında zəngin və geniş əməkdaşlıq əlaqələri mövcuddur.

M. Peneveyre Azərbaycan və İsveçrə arasında siyasi, iqtisadi və mədəni sahələrdə dostluq əlaqələrinin də olduğunu xatırladıb.

Tədbirdə çıxış edən Azərbaycanın Xarici İşlər Nazirliyinin xüsusi tapşırıqlar üzrə səfiri Gündüz Cəfərov bildirib ki, Azərbaycan və İsveçrə arasında əlaqələr yüksələn xətt üzrə inkişaf edir.

Onun sözlərinə görə, iki ölkə arasında səmərəli iqtisadi əməkdaşlıq mövcuddur: “Azərbaycan və İsveçrə arasında münasibətlər mədəni, humanitar və digər sahələrdə də inkişaf edir. Əminəm ki, mövcud olan əlaqələr hər iki xalqın rifahına yardım edəcək”.

#
#

ƏMƏLİYYAT İCRA OLUNUR