NATO Baş katibinin Cənubi Qafqaz və Mərkəzi Asiya üzrə xüsusi nümayəndəsi Xavyer Kolomina Azərbaycana səfərini yekunlaşdırıb.
APA xəbər verir ki, Xavyer Kolomina bu barədə “Twitter” paylaşımında qeyd edib.
“Azərbaycanın 1990-cı il Qanlı Yanvar hadisələrini yad etdiyi gün Bakıya üçüncü səfərimi yekunlaşdırıram. Xarici işlər naziri Ceyhun Bayramovla NATO ilə əməkdaşlığı, Laçın dəhlizində vəziyyəti, o cümlədən humanitar məsələləri və regional sabitliyi müzakirə etdik. Bu, danışıqlar və normallaşma prosesini davam etdirmək üçün vacibdir”, - Xavyer Kolomina qeyd edib.