ATƏT Nazirlər Şurasının 27-ci sessiyasının vaxtı açıqlanıb

ATƏT Nazirlər Şurasının 27-ci sessiyasının vaxtı açıqlanıb
  • Clock-gray 14:05
  • calendar-gray 18 Noyabr 2020

ATƏT Nazirlər Şurasının 27-ci sessiyasının keçiriləcəyi vaxt açıqlanıb.

APA-nın xəbərinə görə, bu barədə ATƏT-in saytında məlumat verilib. 

Bildirilib ki, COVID-19 pandemiyası ilə əlaqədar tətbiq olun məhdudiyyətlərə görə ATƏT Nazirlər Şurasının 27-ci sessiyası bu ilin 3-4 dekabr tarixlərində videokonfrans formatında keçiriləcək. 

Tədbir ATƏT-in fəaliyyətdə olan sədri, Albaniyanın Baş naziri Edi Ramanın dəvəti ilə baş tutacaq.

Qeyd edək ki, Nazirlər Şurası ATƏT-in əsas qərarvermə və idarəetmə orqanıdır. İllik toplantı ATƏT-ə üzv 57 dövlətin xarici işlər nazirləri üçün Avroatlantik və Avrasiya bölgəsindəki təhlükəsizliyi və təşkilatın bütün fəaliyyətini nəzərdən keçirmək və qiymətləndirmək üçün fürsətdir.

Zümrüd Paşkin

Digər xəbərlər