Ankarada Heydər Əliyevi anım tədbiri keçirilib

Ankarada Heydər Əliyevi anım tədbiri keçirilib
# 14 dekabr 2020 14:54 (UTC +04:00)

Heydər Əliyevin vəfatının 17-ci ildönümü ilə əlaqədar Azərbaycanın Türkiyədəki Səfirliyi Ankarada anım tədbiri keçirib.

APA-nın yerli bürosunun məlumatına görə, Ankarada yerləşən Heydər Əliyev Parkında baş tutan tədbirdə ümummilli liderin abidəsi önünə əklil qoyulub.

Azərbaycanın Türkiyədəki səfiri Xəzər İbrahim Heydər Əliyevin siyasi fəaliyyətinin Azərbaycana gətirdiyi uğurlardan danışıb, Azərbaycan torpaqlarının işğaldan azad olunmasında və əldə edilən zəfərdə ümummilli liderin uzaqgörən siyasətinin rolunu qeyd edib.

Səfir Heydər Əliyevin həyata keçirdiyi strategiyanın Azərbaycan və Türkiyə əlaqələrinin inkişafında da əsas rol oynadığını bildirib, Ulu Öndərin əziz xatirəsinin hər iki xalqın qəlbində əbədi yaşayacağını vurğulayıb.

#
#

ƏMƏLİYYAT İCRA OLUNUR