BMT Baş Assambleyasının Prezidenti Azərbaycana gələcək

BMT Baş Assambleyasının Prezidenti Azərbaycana gələcək
  • Clock-gray 22:04
  • calendar-gray 31 Mart 2021

BMT Baş Assambleyasının Prezidenti, 75-ci Sessiyasının Sədri Volkan Bozkır 1-12 aprel tarixlərində Türkiyə, Qətər və Azərbaycana səfər edəcək.

APA-nın "Anadolu" agentliyinə istinadən verdiyi xəbərə görə, bu barədə BMT Baş Assambleyasının Prezidentinin mətbuat katibi Brenden Varma brifinqdə deyib.

O bildirib ki, BMT Baş  Assambleyasının Prezidenti Türkiyəyə səfəri çərçivəsində Türkiyə Prezidenti Rəcəb Tayyib Ərdoğan, TBMM Başqanı Mustafa Şəntop və Xarici işlər naziri Mövlud Çavuşoğlu ilə görüşəcək.

V.Bozkır TBMM-də qlobal böhranlar, çoxtərəflilik və BMT barədə çıxış edəcək. 

Mətbuat katibi qeyd edib ki, V.Bozkır Hatay bölgəsini ziyarət edərək suriyalı qaçqınlarla da görüşəcək.

Türkiyəyə ziyarətini tamamladıqdan sonra o, Qətər və Azərbaycana səfər edəcək.

Azərbaycana səfəri çərçivəsində V. Bozkırın Prezident İlham Əliyev, xarici işlər naziri Ceyhun Bayramov və Milli Məclisin sədri Sahibə Qafarova ilə görüşləri nəzərdə tutulur. 

 

Zümrüd Paşkin

Digər xəbərlər