“Hazırda çox əhəmiyyətli nəqliyyat layihələrini həyata keçiririk”.
APA-nın xəbərinə görə, bunu Türkiyənin xarici işlər naziri Mövlud Çavuşoğlu Qırğızıstan-Türkiyə Manas Universitetində çıxışı zamanı deyib.
“Biz Türkiyə, Azərbaycan və Gürcüstan olaraq həyata keçirdiyimiz layihələrə Orta Asiya ölkələrinin daxil olmasını arzulayırıq”, - deyə XİN başçısı qeyd edib.
Nazir vurğulayıb ki, bu mövzu Türkmənistan, Özbəkistan və Qırğızıstana səfərləri zamanı aparılan müzakirələrdə üstünlük təşkil edib.