İƏT Ermənistan Silahlı Qüvvələrinin sərhəd bölgəsində atəşkəs rejimini pozmasını sərt şəkildə pisləyib

İƏT Ermənistan Silahlı Qüvvələrinin sərhəd bölgəsində atəşkəs rejimini pozmasını sərt şəkildə pisləyib
  • Clock-gray 21:47
  • calendar-gray 14 İyul 2020

İslam Əməkdaşlıq Təşkilatının (İƏT) Baş Katibliyi Ermənistan Respublikasının Silahlı Qüvvələrinin iyulun 12-dən 13-nə keçən gecə Azərbaycan Silahlı Qüvvələrinin mövqelərini iriçaplı silahlardan atəşə tutması nəticəsində hərbçilərin həlak olması və yaralanmasına səbəb olan hərəkətlərini, eləcə də sərhəd bölgəsində atəşkəs rejimini pozmasını sərt şəkildə pisləyib. 

APA-nın İƏT-in rəsmi saytına istinadən verdiyi xəbərə görə, İƏT-in Baş Katibi Yusif bin Əhməd Əl-Osaymin erməni təcavüzü nəticəsində şəhid olan hərbçilərin ailələrinə başsağlığı ünvanlayıb və yaralılara ən qısa zamanda sağlamlıqlarına qovuşmağı diləyib. 

Baş Katiblik İƏT-in və BMT Təhlükəsizlik Şurasının Ermənistan Silahlı Qüvvələrinin Azərbaycanın işğal olunmuş ərazilərindən tam və qeyd-şərtsiz çıxarılmasını tələb edən müvafiq qətnamələrinə və qərarlarına istinad edir, münaqişənin Azərbaycan Respublikasının ərazi bütövlüyü və beynəlxalq səviyyədə tanınmış sərhədlərinin toxunulmazlığı əsasında sülh yolu ilə həllinin tərəfdarıdır.

 

apa-logo-mini

Digər xəbərlər