İranın Ali liderinin müşaviri: "İşğal olunmuş ərazilərin Azərbaycana qaytarılması böyük bir uğurdur"

İranın Ali liderinin müşaviri: "İşğal olunmuş ərazilərin Azərbaycana qaytarılması böyük bir uğurdur"
  • Clock-gray 03:36
  • calendar-gray 17 Noyabr 2020

“İşğal olunmuş şəhərlər azad olunmalı idi, Azərbaycan xalqı bunu etdi və onlara bu münasibətlə təbrik deyirəm”.

APA-nın Tehran bürosunun məlumatına görə, bunu “Beynəlxalq İslami Oyanış Assambleyası”nın təşkilatçılığı ilə “Ali rəhbərin Dağlıq Qarabağ haqqında baxışları” mövzusunda keçirilən videokonfransdakı çıxışında İranın Ali liderinin beynəlxalq məsələlər üzrə müşaviri Əli Əkbər Vilayəti deyib.

“İran Azərbaycan və Ermənistanla, həmçinin Azərbaycanın bir hissəsi olan Naxçıvanla müştərək sərhədə sahibdir”, - deyən Ə.Vilayəti bildirib ki, bögədə bu xüsusiyyətə sahib olan başqa bir ölkə yoxdur: “Bu səbəbdən məntiqlidir ki, İran Azərbaycan və Ermənistanın qonşusu olaraq bu məsələyə ciddi yanaşsın və iştirak etsin. Ali rəhbər Qarabağ məsələsi ilə bağlı təkid edib ki, Azərbaycanın işğal olunmuş ərazisi bu ölkəyə geri qaytarılmaldıır. Bu bölgənin Azərbaycana qaytarılması böyük bir uğurdur. Ali rəhbər, həmçinin təkidlə vurğulayıb ki, beynəlxalq sərhədlər pozulmamaldır və düşünür ki, bütün münaqişələrin kökü beynəlxalq sərhədlərin pozulmasındadır ki, buna diqqət olunmalıdır. Düşünürük ki, İran İslam Respublikasının milli təhlükəsizliyi qonşu ölkələrin sabitliyi və təhlükəsizliyinin təmini olmadan mümkün deyildir”.

İranın Ali liderinin beynəlxalq məsələlər üzrə müşaviri bildirib ki, işğal olunmuş ərazilər azad olunmalı idi və Azərbaycan xalqı bunu etdi: “Mən onları bu münasibətlə təbrik edirəm. Çünki biz Azərbaycanla qardaşlıq, dostluq, tarixi və mədəni əlaqələrə sahibik”.

Süleyman Fərzəliyev

Digər xəbərlər