Mövlüd Çavuşoğlu Azərbaycana təşəkkür edib: "Tək millət, tək ürək, Azərbaycan, Türkiyə!"

Mövlüd Çavuşoğlu Azərbaycana təşəkkür edib: "Tək millət, tək ürək, Azərbaycan, Türkiyə!"
  • Clock-gray 23:13
  • calendar-gray 11 Aprel 2020

Türkiyə Xarici İşlər naziri Mövlüd Çavuşoğlu Azərbaycanla bağlı paylaşım edib.

APA-nın xəbərinə görə, bu barədə Türkiyə XİN başçısı "Twitter" hesabında qeyd edib.

Mövlud Çavuşoğlu bildirib ki, Bakının simvollarından olan Heydər Əliyev Mərkəzində COVID-19-la ortaq mübarizə çərçivəsində Türk bayrağı Azərbaycan bayrağı ilə birlikdə dalğalanır: "Tək millət, tək ürək Azərbaycan Türkiyə! #BirliktəYeneceğiz".

Xatırladaq ki, COVID-19 pandemiyasının yayılmasına qarşı Azərbaycanın beynəlxalq ictimaiyyətlə həmrəyliyinin ifadəsi olaraq aprelin 3-dən etibarən virusdan zərərçəkən dövlətlərin bayrağı həmin ölkənin musiqisinin müşayiəti ilə dünya memarlıq abidələrindən olan Heydər Əliyev Mərkəzinin binası üzərində nümayiş etdirilir.

Ölkələrin adının ingilis dilindəki əlifba ardıcıllığına uyğun olaraq hər gün bir dövlətin bayrağı bina üzərində təqdim olunur. Bununla Heydər Əliyev Mərkəzi COVID-19-un geniş yayıldığı dövlətlərə və onların xalqlarına dəstəyini, hörmət və ehtiramını ifadə edir.

Zümrüd Paşkin

Digər xəbərlər