Prezident İlham Əliyev: “Cənubi Qafqaz regionunun dərindən inteqrasiya olunmasını istəyirəm”

Prezident İlham Əliyev: “Cənubi Qafqaz regionunun dərindən inteqrasiya olunmasını istəyirəm”
  • Clock-gray 11:08
  • calendar-gray 25 Oktyabr 2020

“İndi nəyin baş verəcəyini proqnozlaşdırmaq çətindir. Bu, təkcə bizdən asılı deyil. Çünki müharibəni bir ölkə aparmır. Bu, birtərəfli proses deyil. Lakin mən sizə regionu necə görmək istədiyimi deyə bilərəm. Mən Cənubi Qafqaz regionunun dərindən inteqrasiya olunmasını, digər Cənubi Qafqaz ölkəsi olan Gürcüstanla strateji münasibətlərimizin gələcəkdə müəyyən vaxtda Azərbaycan və Ermənistan arasında münasibətlər üçün müəyyən mənada örnək ola bildiyini görmək istəyirəm. Çünki bütün müharibələr dayanır və sülh gəlir. Biz bilirik necə...”

APA xəbər verir ki, bunu Azərbaycan Respublikasının Prezidenti İlham Əliyev Amerika Birləşmiş Ştatlarının “Fox News” televiziya kanalına müsahibəsində deyib.

Dövlət başçısı “Siz bu münaqişənin sülh yolu ilə nizamlanmasını mümkün hesab edirsiniz?” sualına konkret olaraq “Bəli, əlbəttə ki”, - deyə cavab verib.

Azərbaycan Prezidenti “Siz diplomatik cavabın tapılmasının mümkün olduğunu hesab edirsiniz?”, sualına cavab olaraq bunları deyib: “Mən tamamilə əminəm. Lakin bu Ermənistan tərəfinin iradəsindən asılı olacaqdır. İkinci Dünya müharibəsindən sonra nə baş verdi. Almaniya və Amerika Birləşmiş Ştatları biri-birilərini öldürürdülər. Sovet İttifaqı və Almaniya bir-birilərini öldürürdülər. On milyonlarla insan öldürülmüşdür. Lakin indi baxın, bu, artıq yaddaşda deyil. Bu, düşmənçiliyə təhrik etmir. Nəyə görə ermənilər və azərbaycanlılar Gürcüstanda, Rusiyada, Ukraynada, bir çox digər ölkələrdə birlikdə yaşadığı kimi, Dağlıq Qarabağ regionunda birlikdə yaşaya bilməzlər?”

Prezident İlham Əliyev “Hər iki tərəfin hüquqlarını tanıyan sülh ola bilər?” sualını isə  “Bəli. Elədir ki, var. Bu, məntiqli baza əsasında, Azərbaycanın ərazi bütövlüyü çərçivəsində və Azərbaycanın erməni əhalisinin hüquq və maraqlarının tam müdafiəsi ilə olmalıdır. Hesab edirəm ki, bunu etmək mümkündür”, - şəklində cavablandırıb.

apa-logo-mini

Digər xəbərlər