TÜRKPA komissiyasının iclası keçirilib

TÜRKPA komissiyasının iclası keçirilib
  • Clock-gray 20:31
  • calendar-gray 15 İyun 2020

TÜRKPA komissiyasının onlayn iclası keçirilib.

Milli Məclisdən APA-ya verilən məlumata görə, iclas bu gün TÜRKPA-nın Ətraf Mühit və Təbii Ehtiyatlar Komissiyasının “COVID-19 pandemiyası zamanı su ehtiyatlarının və torpaqların qorunması” mövzusunda onlayn videokonfrans formatında keçirilib.

Onlayn iclas “COVID-19 pandemiyası zamanı su ehtiyatlarının və torpaqların qorunması” və “Enerji resurslarından səmərəli istifadə və enerji effektivliyi haqqında model qanun layihəsinin müzakirəsi” üzrə iki sessiyadan ibarət olub. İlk sessiyaya TÜRKPA-nın Ətraf Mühit və Təbii Ehtiyatlar Komissiyasının sədri və  Milli Məclisin Səhiyyə Komitəsinin sədri, akademik Əhliman Əmiraslanov sədrlik edib.

Sessiya zamanı üzv ölkələrdən olan ekspertlər təqdimatlar edib, həmçinin COVID-19 pandemiyası zamanı su ehtiyatlarının və torpaqların qorunması ilə bağlı təşkilata üzv ölkələrdə həyata keçirilən tədbirlər müzakirə edilib. İştirakçılar məsələ ilə bağlı milli qanunvericilik və beynəlxalq əməkdaşlıq mexanizmləri barədə fikir mübadiləsi aparıblar. İkinci sessiyaya Komissiyanın katibi Emin Həsənov moderatorluq edib.

İkinci sessiya zamanı üzv ölkələrdən olan ekspertlər qanunvericiliyin uyğunlaşdırılması və enerji resurslarından səmərəli istifadə və enerji effektivliyi haqqında model qanunun hazırlanması üzrə məsələləri müzakirə ediblər. Videokonfransda təşkilata üzv ölkələrin parlamentlərindən və Özbəkistandan olan millət vəkilləri ilə yanaşı, üzv ölkələrinin müvafiq nazirlik və qurumlarından, həmçinin beynəlxalq təşkilatlardan olan ekspertlər də iştirak ediblər.

Firuzə Vahid

Digər xəbərlər