Avropa İttifaqının (Aİ) Azərbaycanda keçirdiyi rəy sorğusunun nəticələri açıqlanıb.
APA-nın xəbərinə görə, Aİ-nin Azərbaycandakı Nümayəndəliyinin rəhbəri Kestutis Yankauskas bildirib ki, sorğuda iştirak edən azərbaycanlıların 46%-nin Avropa İttifaqı ilə bağlı düşüncələri müsbətdir.
O bildirib ki, 8% faiz insan Aİ haqda mənfi fikrə sahibdir, 31% isə quruma neytral mövqe sərgiləyib.
Səfirin sözlərinə görə, sorğuda iştirak edənlərdən 78% hesab edir ki, Azərbaycanın Avropa İttifaqı ilə əlaqələri yaxşı səviyyədədir: “75% isə İttifaqın dəyərlərini öz dəyərləri kimi qəbul edir”.
K. Yankauskas rəy sorğusunun 1000 nəfərlə müsahibə əsasında aparıldığını və 4-cü dəfə keçirildiyini vurğulayıb: “Onu da qeyd edim ki, sorğunun nəticələrinə görə, Avropa İttifaqı Azərbaycanda ən etibarlı beynəlxalq təşkilat hesab olunur”.