Azərbaycan və Qazaxıstan arasında qarşılıqlı vizasız gediş-gəliş haqda sazişə dəyişiklik edilib

Azərbaycan və Qazaxıstan arasında qarşılıqlı vizasız gediş-gəliş haqda sazişə dəyişiklik edilib
  • Clock-gray 10:19
  • calendar-gray 14 Oktyabr 2019

“Azərbaycan və Qazaxıstan arasında vətəndaşların qarşılıqlı vizasız gediş-gəlişi haqqında" sazişə dəyişiklik edilməsinə dair protokol imzalanıb.

APA-nın xəbərinə görə, protokol Türkdilli Dövlətlərin Əməkdaşlıq Şurasının (Türk Şurası) Xarici İşlər Nazirləri Şurasının Bakıda keçirilən görüşündə imzalanıb.

Dəyişiklik Qazaxıstan və Azərbaycan vətəndaşlarının bu ölkələrin ərazisində qalma müddətinin 30 gündən 90 günə qədər artırılmasını nəzərdə tutur.

Eyni zamanda, dəyişikliklə hər iki ölkənin vətəndaşları 30 günə qədər rəsmi orqanlarda qeydiyyata düşməkdən azad edilir.

Protokolu Azərbaycanın Xarici İşlər naziri Elmar Məmmədyarov və Qazaxıstanın Daxili İşlər naziri imzalayıblar.

İlkin Cəlilov

Digər xəbərlər

Arxiv

date