Belarus Parlamentinin Nümayəndələr Palatasının sədri Vladimir Andreyçenko Azərbaycana səfər edəcək.
APA-nın BELTA agentliyinə istinadən verdiyi xəbərə görə, Vladimir Andreyçenkonun səfərinin məqsədi oktyabrın 25-26-da Bakıda keçiriləcək Qoşulmama Hərəkatının 18-ci Zirvə toplantısında iştirak etməkdir.
V. Andreyçenko Qoşulmama Hərəkatının Avropa ölkələri qrupunun təmsilçisi kimi Zirvə toplantısının açılış və bağlanış mərasimlərində çıxış edəcək.
Belarus Parlamentinin Nümayəndələr Palatasının sədri oktyabrın 25-də Milli Məclisin Sədri Oqtay Əsədovla da görüşəcək.