Əfqanıstan səfiri: "Cəbrayılda gördüyümüz mənzərə çox dəhşətli idi"

Əfqanıstan səfiri: "Cəbrayılda gördüyümüz mənzərə çox dəhşətli idi"
  • Clock-gray 18:12
  • calendar-gray 06 Fevral 2021

“Bu gün mənim üçün xüsusi bir gündür. Azərbaycanlı dostlarımız bu səfəri təşkil etdi və biz gəlib bu gözəl yerləri gördük. Bu gözəl yerlər işğaldan azad olunmuş torpaqlardır. Biz çox şadıq. Amma Cəbrayılda gördüyümüz mənzərə çox dəhşətli idi”. 

APA-nın xəbərinə görə, bunu diplomatik korpusun nümayəndələrinin Cəbrayıl və Zəngilana səfəri zamanı Əfqanıstanın Azərbaycandakı səfiri Amanullah Ceyhun bildirib. 

O deyib ki, orada məzarlıqları qazıb məhv ediblər: “Mən orada ağladım. Bu məzarlıqları görmək kiməsə təsir etmirsə, mən bilmirəm o insanların vicdanı necədir. Qəbirləri qazıb cəsədləri çıxarıblar, bu, insanlıqdan kənar bir hadisədir”. 

Fransanın Azərbaycandakı səfiri Zakari Qross isə deyib ki, ölkəsi Qafqazda barışığın və sülhün bərpa olunması vasitəsi kimi regional inkişafı və əməkdaşlığı görməyə şad olacaq.

Zümrüd Paşkin

Digər xəbərlər