Energetika naziri Pərviz Şahbazov Qazaxıstanın Azərbaycana yeni təyin olunmuş səfiri Serjan Abdıkarimovu qəbul edib.
Qazaxıstan səfirliyindən APA-ya verilən məlumata görə, görüşdə tərəflər yüksək səviyyədə əldə edilmiş razılaşmaların keyfiyyətli şəkildə həyata keçirilməsinin vacibliyini vurğulayıblar, investisiya və ticari-iqtisadi əlaqələrin mövcud vəziyyətini və perspektivlərini, qarşılıqlı maraq doğuran yeni sahələrdə əməkdaşlığın genişləndirilməsini müzakirə ediblər.
Görüş zamanı neft-qaz, dəmiryol nəqliyyatı və tranziti, logistika, taxıl və buğda tədarükü, turizm və bir sıra digər istiqamətlərdə əməkdaşlıq məsələləri müzakirə olunub.
Qeyd olunub ki, Bakıda Qazaxıstan-Azərbaycan ticarət-iqtisadi əməkdaşlıq üzrə birgə Hökumətlərarası Komissiyanın iclası keçiriləcək.