“Türk dünyasındakı həmrəyliyimizin daha da böyüməsi bizim üçün qürurdur”.
APA-nın yerli bürosunun xəbərinə görə, bunu Türkiyə Prezidenti Rəcəb Tayyib Ərdoğan deyib.
O bildirib ki, Bakıda Türkdilli Dövlətlərin Əməkdaşlıq Şurasının 7-ci Zirvə Görüşündə iştirak edəcək.
“Bakıda ilk olaraq Azərbaycan Prezidenti İlham Əliyevlə görüşəcəyəm”, - deyə Türkiyə Prezidenti qeyd edib.
Ərdoğan vurğulayıb ki, sentyabrda Budapeştdə Türk Şurasının Avropa nümayəndəliyinin açılması Türk Şurasının gücünə güc qatıb.