ABŞ Somalidə “Əl-Şabab” terrorçu qruplaşmasının mövqelərinə hava zərbələri endirib.
APA-nın “Associated Press”ə istinadən verdiyi xəbərə görə, bu barədə ABŞ-ın Afrika Komandanlığı məlumat yayıb.
Bildirilib ki, Somali hökuməti ilə razılaşdırılan əməliyyatlarda 4 terrorçu məhv edilib.
Xatırladaq ki, bir neçə gün əvvəl paytaxt Moqadişoda partlayıcı maddələrlə yüklü avtomobil partladılıb, nəticədə 90 nəfər ölüb. Somali Prezidenti Məhəmməd Abdullahi Məhəmməd terror aktının “Əl-Şabab” terror qruplaşması tərəfindən törədildiyini deyib.