Efiopiyada yerli və xarici olmaqla BMT-nin 4957 əməkdaşı var.
APA-nın xəbərinə görə, bunu BMT-nin sözçüsü Stefan Düjarrik məlumat verib. O əlavə edib ki, indiyədək BMT əməkdaşlarının ölkəyə gəlməsi və ölkədən getməsi ilə bağlı heç bir şikayət daxil olmayıb.
***
05.11
ABŞ Efiopiyadakı BMT əməkdaşlarının həbsdən azad edilməsi üçün kömək etməyə hazırdır.
APA-nın xəbərinə görə bunu jurnalistlərə ABŞ Dövlət Departamentinin sözçüsü Ned Prays bildirib.
****
22.46
Efiopiyada saxlanan BMT əməkdaşlarının altısı artıq sərbəst buraxılıb. 16 nəfər isə hələ də həbsdədir
APA-nın xəbərinə görə, bunu BMT-nin sözçüsü Stefan Düjarrik məlumat verib. BMT-nin mənzil qərargahında keçirilən birfinqdə Düjarrik deyib: “Hazırda digər əməkdaşların da azad edilməsi üçün Efiopiya hökuməti ilə danışıqlar aparılır. Bizə həbslə bağlı hələ ki, heç bir tutarlı səbəb göstərilməyib.”
***
21.15
Efiopiyada BMT-nin 10 əməkdaşı ailə üzvləri ilə birgə saxlanılıb. Bu barədə “Ria Novosti”yə BMT-nin ölkədəki nümayəndəsi Fərhan Xak bildirib.
Diplomat qeyd edib ki, əməkdaşlar və ailə üzvləri paytaxt Əddis-Əbəbədə saxlanılıb. BMT-nin Təhlükəsizlik Departamentinin əməkdaşları onlara saxlandıqları yerdə baş çəkiblər.
***
20.49
Efiopiyada BMT-nin ondan çox əməkdaşı saxlanılıb.
APA-nın xəbərinə görə bu barədə “Ria Novosti” BMT-dəki mənbəyə istinadla xəbər yayıb.
Artıq Efiopiya hökumətinə saxlanılanların azad edilməsi üçün nota verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
