Nigerin cənub-qərbində yerləşən Banibanqu kommunasında kəndə silahlı hücum nəticəsində 60-a yaxın sakin öldürülüb.
APA AFP-yə istinadən xəbər verir ki, hücum çərşənbə axşamı Tillaberi bölgəsində, "üç sərhəd zonası" adlanan ərazidə - Nigerin Mali və Burkina Faso ilə dövlət sərhədi olan ərazidə baş verib.
“Ümumilikdə, təxminən 60 nəfər həlak olub, 9 nəfər itkin düşüb, 15 nəfər isə qaçıb. Ölənlər arasında Banibanqu şəhərinin meri də var, onun cəsədi tapılıb”, - adının açıqlanmasını istəməyən deputat bildirib.
Mənbənin məlumatına görə, hücumu “Böyük Saharada İslam dövləti” terror qruplaşmasının yaraqlıları həyata keçirib.
Qeyd edək ki, bölgədə İŞİD və Əl-Qaidə terror təşkilatları ilə əlaqəli çoxsaylı qruplar fəaliyyət göstərir.
2014-cü ildə Fransa bu ərazilərdə “Barxan” antiterror əməliyyatına başlayıb.