Ötən həftə sonu Mərkəzi Afrika Respublikasında (MAR) hərbi birləşmələr arasında baş vermiş toqquşmalarda 50 nəfər ölüb.
APA-nın “France-Presse”ə istinadən verdiyi xəbərə görə, bu barədə bu gün yerli hakimiyyətin nümayəndəsi Evarist Binqvinidji məlumat verib.
Onun sözlərinə görə, hadisə MAR-ın şərqində yerləşən Bria şəhərində qeydə alınıb.
“50 nəfərə yaxın şəxs öldürülüb, onlardan artıq əksəriyyəti dəfn olunub. Ölənlərin dəqiq sayını söyləmək çətindir”, - deyə o vurğulayıb.
40 min nəfərdən çox əhalisi olan Bria şəhəri Haute-Kotto prefekturasının inzibati mərkəzdir, şəhər almaz yataqları ilə zəngindir. Yanvarın 25-də şəhərə nəzarət uğrunda hərbi birləşmələr arasında toqquşma baş verib. Bildirilib ki, qarşıdurmada özünümüdafiə dəstələri və “Seleka” silahlı müsəlman qruplaşmasının döyüşçüləri iştirak ediblər.
Xatırladaq ki, 2012-ci ildən etibarən MAR-da vətəndaş müharibəsi gedir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
