BMT-nin sülhməramlı qüvvələrinin bir hərbçisi Malinin şimal-şərqində edilmiş silahlı hücum nəticəsində ölüb, daha biri isə yaralanıb.
APA “RİA Novosti”yə istinadən xəbər verir ki, bu barədə BMT-nin Malidəki Sabitlik üzrə Çoxölçülü Kompleks Missiyasının (MINUSMA) internet saytında məlumat yer alıb.
MINUSMA-nın məlumatına görə, missiyanın maddi-texniki təminat karvanındakı yanacaq çəni aparan avtomobilə qarşı partlayıcı qurğu ilə hücum həyata keçirilib.
“Partlayış nəticəsində iki sülhməramlı ağır yaralanıb. Onlardan biri, təəssüf ki, təxliyə zamanı aldığı xəsarətlərdən həyatını itirib”, - məlumatda belə deyilir.
Bundan bir qədər sonra partlayış yerinin yaxınlığında başqa bir partlayıcı qurğu aşkar edilərək zərərsizləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
