BMT-nin Malidə yerləşdirdiyi sülhməramlı missiyasının bir əməkdaşı partlayıcı qurğunun partlaması nəticəsində ölüb, daha üçü isə ağır yaralanıb.
APA TASS-a istinadən xəbər verir ki, bu barədə BMT Baş katibinin Malidəki xüsusi nümayəndəsi, BMT-nin Malidəki Çoxşaxəli İnteqrasiya Sabitlik Missiyasının (MINUSMA) rəhbəri Əl-Qassim Vane bildirib.
“Qruplarımızdan birinə qarşı əldəqayırma partlayıcı qurğu edilmiş hücum nəticəsində 1 nəfər ölüb, 3 nəfər ağır yaralanıb”, - deyə o, şəxsi "Twitter" səhifəsində yazıb.
Vane hadisənin Əlcəzairlə sərhəd yaxınlığında, Malinin şimal-şərqindəki Tesalit şəhəri ərazisində baş verdiyini bildirib.
Ölən sülhməramlının hansı ölkədən olduğu açıqlanmayıb.