Nigerdə ən azı 18 hərbçi yaraqlılar tərəfindən öldürülüb.
APA-nın xəbərinə görə, bu barədə “Radio France internationale” Nigerin hərbi komandanlığına istinadən məlumat yayıb.
Məlumatda bildirilir ki, yaraqlılar iyulun 31-də Burkino-Faso ilə sərhədə yaxın Torodi rayonunda hərbçiləri iki yerdə pusquya salıb.
Niger Müdafiə Nazirliyindən bildirilib ki, atışma nəticəsində 18 hərbçi həlak olub, 7-si yaralanıb, 6-sı itkin düşüb.
Hazırda hökumət qüvvələri Torodi rayonunda terror qruplaşmalarına qarşı irimiqyaslı əməliyyatlar həyata keçirir. Əməliyyatlara Hərbi Havva Qüvvələri də cəlb olunub.
Mali, Niger və Burkino-Fasonun sərhədlərinin kəsişdiyi region Qərbi Afrikada beynəlxalq terrorizmin əsas mərkəzlərindən sayılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
