Somalinin paytaxtı Moqadişoda hərbi təlim bazasında terror-kamikadzenin özünü partlatması nəticəsində ən azı 20 nəfər ölüb.
APA-nın xəbərinə görə, bu barədə yerli “Goobjoog News” portalı məlumat yayıb.
Bildirilib ki, terrorçu-kamikadze orduya çağırılan yeni çağırışçılar sırasında olub. İlkin məlumata görə, terror qurbanlarının əksəriyyəti mülki şəxslərdir.
İndiyə qədər heç bir qruplaşma hadisənin məsuliyyətini öz üzərinə götürməyib.