ABŞ Honkonq administrasiyasının rəhbəri Kerri Lama qarşı sanksiya tətbiq edib.
APA-nın xəbərinə görə, bu barədə ABŞ Maliyyə Nazirliyinin saytında məlumat verilib.
Məlumatda qeyd olunur ki, ABŞ Maliyyə Nazirliyi Honkonqun muxtariyyətini pozduğu və Honkonq vətəndaşlarının sərbəst toplaşmaq və ifadə etmə azadlığını məhdudlaşdırdığı üçün 11 şəxsə sanksiya tətbiq edib. Sanksiya tətbiq olunalar siyahısında Honkonq administrasiyasının rəhbəri Kerri Lamın adı qeyd olunub.
"Kerri Lam Pekinin azadlıq və demokratik proseslərin boğulması siyasətinin həyata keçirilməsinə birbaşa cavabdeh olan icraçıdır. O, 2019-cu ildə Çinin materik hissəsinə ekstradisiya ilə bağlı qərara icazə verərək Honkonqun ekstradisiya qaydalarını yeniləməyə çalışıb. Lam, Honkonq Xüsusi İnzibati Bölgəsində Milli Təhlükəsizliyin qorunması haqqında Çin Xalq Respublikasının Qanununun hazırlanması, qəbul edilməsi və ya icrasında iştirak edib", - deyə nazirliyin məlumatında qeyd olunub.
Administrasiya rəhbəri ilə yanaşı, Honkonq Polis Qüvvələrinin hazırkı və keçmiş komissarları və digər rəsmilərə qarşı sanksiya tətbiq olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
