“Biz heç vaxt Əfqanıstanda daimi hərbi mövcudluğumuz barədə düşünməmişik”.
APA-nın “TOLO News”a istinadən verdiyi xəbərə görə, bunu Əfqanıstanda səfərdə olan ABŞ dövlət katibi Entoni Blinken deyib.
O bildirib ki, Əfqanıstanda "Əl-Qaidə" terror qruplaşmasının təhdidləri əhəmiyyətli dərəcədə zəifləyib.
Amerikalı diplomat qeyd edib ki, qoşunların çıxarılmasına baxmayaraq, ABŞ-ın Əfqanıstanla tərəfdaşlığı davam edəcək: “Əfqanıstana iqtisadi, diplomatik, siyasi cəhətdən dəstək verəcəyimizi qeyd edərək demək istərdim ki, son 20 ildə Əfqanıstanda xidmət etmiş qoşunlarımızın fövqəladə cəsarətini, gücünü və fədakarlığını xatırlayacağıq. Biz indi əfqan xalqı ilə tərəfdaşlığımızda yeni səhifə açırıq”.
“Taliban”a xəbərdarlıq edən ABŞ dövlət katibi hər hansı hücuma qarşı güclü cavab veriləcəyini vurğulayıb: “Əfqanıstanın milli təhlükəsizlik qüvvələrini dəstəkləməyə davam edəcəyik”.
O vurğulayıb ki, qoşunların çıxarılması iki ölkə arasında strateji münasibətlərin zəifləməsi demək deyil: “ABŞ əfqan xalqına və hökumətinə olan öhdəliklərinə hörmət edəcək”.
Qeyd edək ki, ABŞ Prezidenti Co Bayden mayın 1-dən etibarən qoşunların Əfqanıstandan çıxarılmağa başlanacağını bəyan edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
