ABŞ-ın Arkansas ştatında "Laura" tropik qasırğası səbəbindən 300 min sakin elektriksiz qalıb.
APA TASS-a istinadən xəbər verir ki, bu barədə ştatın qubernatoru Asa Hatçinson CNN-ə açıqlamasında bildirib.
Qubernatorun sözlərinə görə, yaxın 24 saat ərzində vəziyyət həqiqətən təhlükəli olaraq qalacaq: “Əhaliyə sayıqlığı itirməmək, yağışdan və daşqından sonra da öz təhlükəsizliklərinə diqqət göstərmələri barədə xəbərdarlıq edilib”.
Onun sözlərinə görə, qasırğa nəticəsində Arkanzasda ölüm faktı qeydə alınmayıb.
Qeyd edək ki, ABŞ-ın Milli Qasırğaları Müşahidə Mərkəzinin son hesablamalarına görə, qasırğanın sürəti Luiziana və Texas ştatları istiqamətində 22,3 m/s-yə çatıb.