Boliviyada sərnişin avtobusu ilə yük maşınının toqquşması nəticəsində az 13 nəfər ölüb, 3 nəfər yaralanıb.
APA-nın RİA Novosti-yə istinadən verdiyi xəbərə görə, bu barədə “El Deber” nəşri məlumat yayıb.
Yerli vaxtla 9.30-da baş verən qəza La-Pas şəhəri ilə Karabuko şəhəri arasındakı yolda qeydə alınıb.
İlkin məlumatlara görə, qəza hadisə yerindən qaçan yük maşınının sürücüsünün günahı üzündən baş verib.
Yaralılar xəstəxanaya yerləşdiriliblər.
Faktla bağlı araşdırma aparılır.