Qədim mayalılara aid yeni saray tapılıb

Qədim mayalılara aid yeni saray tapılıb
# 28 dekabr 2019 08:24 (UTC +04:00)

Meksikanın cənub-şərqində qədim mayalılara aid saray aşkarlanıb.

APA “voiceamerica”ya istinadən xəbər verir ki, Meksika arxeoloqları Meksikanın Yukatan ştatındakı Kuluba arxeoloji sahəsində yeni Maya Sarayı tapıblar.

Sarayın uzunluğu 50 metr, hündürlüyü isə 6 metrdir.

İnşaat materialları bu sarayda 600-cü il ilə 1050-ci illər arasında iki fərqli dövrdə insanların yaşadığını göstərir.

Kolumbdan öncəki dövrə aid Maya şəhərindəki bu sarayla birlikdə mütəxəssislər başqa dörd tikilini - altar, yaşayış üçün nəzərdə tutulan iki sahə və bir soba olduğu düşünülən bir tikili aşkar edib.

Qeyd edək ki, qüdrətli Maya İmperiyasının ən güclü dövrü təxminən 250- 900-cü illərdə yaşanıb və bu dövr klassik dövr adlanıb. O dövrlərdə imperiya hazırda Qvatemala, Honduras və Salvadorun qərb hissəsində olan əraziləri əhatə edirdi.

#
#

ƏMƏLİYYAT İCRA OLUNUR