Tramp koronavirusa yoluxması səbəbindən hərbi hospitala yerləşdirilib - YENİLƏNİB

Tramp koronavirusa yoluxması səbəbindən hərbi hospitala yerləşdirilib - YENİLƏNİB
# 03 oktyabr 2020 02:42 (UTC +04:00)

ABŞ Prezidenti Donald Tramp koronavirusa yoluxması ilə əlaqədar həkimlərin tövsiyəsilə hərbi hospitala yerləşdirilib.

APA-nın məlumatına görə, ABŞ lideri Merilend ştatında yerləşən “Walter Reed” hərbi hospitalında müalicəsini davam etdirəcək.

***

02:11

Koronavirusa yoluxan ABŞ Prezidenti Donald Tramp bir neçə gün “Walter Reed” hərbi hospitalda müalicə alacaq.

APA-nın RİA Novosti-yə istinadən verdiyi xəbərə görə, bunu Ağ Evin mətbuat katibi Kaylet Makinani deyib.

Trampda yeni virusun yüngül simptomlar müşahidə edildiyini deyən mətbuat katibi prezidentin yaxşı əhval-ruhiyyədə olduğunu, hətta bütün günü işlədiyini vurğulayıb. “Prezidentin iştirakı ilə keçirilən bütün seçkiqabağı tədbirlərin təxirə salınmasına və ya onlayn formadta keçirilməsinə qərar verilib”.

Qeyd edək ki, Tramp cümə günü həyat yoldaşının və özünün koronavirus testinin müsbət olduğunu söyləyib.

#
#

ƏMƏLİYYAT İCRA OLUNUR