Kanada Silahlı Qüvvələrinin Vankuver adasındakı (Britaniya Kolumbiyası) “Komoks” hərbi bazasında partlayış baş verib.
APA CTV kanalına istinadən xəbər verir ki, hadisə nəticəsində 10 nəfər yaralanıb.
Yaralılara tibbi yardım göstərilib, onlardan 4 nəfəri xəstəxanaya yerləşdirilib.
İlkin məlumatlara görə, partlayış qeyri-yaşayış binasında təmir işləri aparılan zaman məişət qazının sızması nəticəsində baş verib.
Binanın qismən çökdüyü bildirilir.