“Los Angeles Times” qəzetinin redaktoru erməni müxbirin uydurma “soyqırım” mövzusunda yazısını çapa verməyib
01 may 2007 09:52 (UTC +04:00)
ABŞ-ın nüfuzlu “Los Angeles Times” qəzetində uydurma “erməni soyqırımı” barədə məqalə çap etmək cəhdi qalmaqalla nəticələnib. APA-nın ABŞ bürosunun xəbərinə görə, qəzetin redaktoru Duqlas Frantz nəşrin erməni mənşəli müxbiri Mark Araxın qondarma “soyqırım”ın növbəti ildönümündə hazırladığı reportajı çap etməkdən imtina edib. D. Frantz müxbirin öz yazısında mövqe nümayiş etdirdiyini və hadisələri birtərəfli işıqlandırdığını deyib. Redaktor öz mövqeyini əsaslandıraraq bildirib ki, hələ 2005-ci ildə M. Arax və qəzetin daha dörd erməni əsilli əməkdaşı “Los Angeles Times”ın baş redaktoruna məktub yollayaraq redaktə siyasətində bundan sonra 1915-1923-cü il hadisələrinin daim soyqırım kimi təqdim olunmasını tələb ediblər. Eyni zamanda D. Frantz bəyan edib ki, daha çox “petisiya”ya bənzəyən məqaləni qəzetin baş səhifəsində çap etmək üçün M. Arax “Los Angeles Times”ın Vasinqton bürosunun daha bir erməni əsilli redaktoru Robert Ourliyanla sövdələşib. Buna görə D. Frantz “soyqırım” barədə xəbəri yazmağı digər müxbir Riç Simona tapşırıb. Aprelin 21-də Riç Simon “Erməni soyqırımı barədə Konqres qətnaməsinin qəbulu hələ qeyri-müəyyəndir” başlıqlı xəbər dərc edib. Buna etiraz olaraq M. Arax “Los Angeles Times” qəzetinin sahibi və baş redaktoruna yazılı müraciət edərək milli zəmində sıxışdırıldığını bildirib. /APA/
Amerika
ABŞ Konqresində Ukraynaya yardım paketi ilkin səsvermədən keçib
19:47
19 aprel 2024
Kolumbiya Universitetindəki aksiyada 108 tələbə saxlanılıb
10:34
19 aprel 2024
Uilyam Börns: “ABŞ-nin hərbi yardımı Ukraynaya Putinin planlarını pozmağa kömək edəcək”
08:16
19 aprel 2024
ABŞ və İsrail Rəfahda planlaşdırılan əməliyyatla bağlı məsləhətləşmələr aparıb
05:01
19 aprel 2024