Perunun sabiq prezidenti 6 il müddətinə azadlıqdan məhrum edilib
12 dekabr 2007 08:24 (UTC +04:00)
Perunun sabiq prezidenti Alberto Fuximori 6 il müddətinə azadlıqdan məhrum edilib. APA-nın beynəlxalq xəbər agentliklərinə istinadən verdiyi məlumata görə, məhkəmə A. Fuximorinin Peru kəşfiyyatının keçmiş rəhbərinin evindən içində müxtəlif sənədlər olan 40 qutunu oğurlatdığını sübuta yetirib. Həmin sənədlərdə A. Fuximorinin hakimiyyətdə olduğu dövrdə törətdiyi cinayətlərə dair dəlil-sübutlar, o cümlədən videomateriallar olub. Ancaq sabiq dövlət başçısı məhkəmə hökmünü ədalətsiz adlandıraraq apellyasiya şikayəti verəcəyini açıqlayıb. Bazar ertəsi Limada eks-prezidentin 1991-1992-ci illərdə 25 nəfərin ölümü ilə nəticələnən əməliyyatların planlaşdırılması, təşkili və idarə edilməsində iştirakı ilə bağlı başqa məhkəmə prosesi də başlayıb. A. Fuximori jurnalist Qustavo Qorriti və sahibkar Samuel Dayerin oğurlanmasında da ittiham edilir. Prokuror hesab edir ki, bu cinayətləri bir qrup hərbçi A. Fuximorinin tapşırığı ilə törədib. /APA/
Amerika
ABŞ İsraillə Rəfaha dair görüşün yeni tarixini müzakirə edir
21:54
28 mart 2024
Ağ Ev: ABŞ martın 7-də Rusiyaya terror hücumu təhlükəsi ilə bağlı dəqiq və ətraflı məlumat ötürüb
20:38
28 mart 2024
ABŞ Nümayəndələr Palatasının heyəti Türkiyəyə səfər edəcək
13:07
28 mart 2024
Peruda 5,3 bal gücündə zəlzələ baş verib
08:55
28 mart 2024