ABŞ-ın Nyu-York ştatında son sutka ərzində daha 226 nəfər koronavirus infeksiyasından ölüb, bundan əvvəlki gün isə 280 nəfər ölmüşdü.
APA “TASS”-a istinadən xəbər verir ki, bu barədə mətbuat konfransında qubernator Endryu Kuomo bildirib.
Onun sözlərinə görə, son sutkada, həmçinin 717 Nyu-York sakinində eyni diaqnoz aşkar edilib. Bundan əvvəlki gün isə 780 nəfər bu virusa yoluxmuşdu.
Qeyd edək ki, Nyu-York ABŞ-da koronavirusun episentri hesab olunur.