“Vaşinqton rəhbərliyi yeni “delta” ştammına görə, ölkədə yenidən karantin məhdudiyyətləri tətbiq etmək niyyətində deyil”.
APA TASS-a istinadən xəbər verir ki, bunu Ağ Evin mətbuat katibi Jen Psaki mətbuat konfransında deyib.
Psaki bildirib ki, 2020-ci ilin martında olduğu kimi, xidmət sahələrinin fəaliyyəti dayandırılmayacaq: “Yenidən iş sahələrində məhdudiyyətlər olmayacaq. İqtisadi sahədə çox irəliləmişik… Prezident Co Baydenin dediyi kimi, səhiyyə mütəxəssislərinin tövsiyələrinə əsaslanaraq addım atılacaq”.
Psaki, həmçinin ölkədə məcburi peyvənd tətbiq edilməsinə də münasibət bildirib: “Məcburi peyvəndin tətbiq edilməsi müzakirə edilməyib. Lakin işəgötürənlər işçilərinin peyvənd edilməsini tələb etmək hüququna sahibdirlər”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
