“ABŞ-ın keçmiş prezidenti Bill Klinton sağalıb, ancaq daha bir gecəni xəstəxanada keçirəcək”.
APA-nın məlumatına görə, bunu Klintonun sözçüsü Angel Urenya tvitter səhifəsində bildirib.
Ureniya əlavə edib ki, Klinton yaxşı əhval-ruhiyyədədir və dünyanın hər yerindən gələn xoş sözlərə, arzulara görə hər kəsə dərin minnətdarlığını bildirir: “Klintonun “UC Irvine” Tibb Mərkəzində müalicəsi davam edir. Bütün sağlamlıq göstəriciləri müsbətə doğru dəyişir. Venadaxili əlavə antibiotiklər qəbul etmək üçün bu gecə xəstəxanada qalacaq”.
Qeyd edək ki, ABŞ-ın hazırkı prezidenti Co Bayden Klintona zəng edərək sağlamlığı ilə maraqlanıb. O, sabiq prezidentin səhhətinin yaxşı olduğunu bildirib.
Xatırladaq ki, ABŞ-ın 1993-2001 -ci illərdə 42-ci prezidenti olmuş Bill Klinton oktyabrın 12-də sidik yolu infeksiyasının səbəb olduğu güman edilən sepsis diaqnozu ilə Kaliforniya ştatında xəstəxanaya yerləşdirilib.