KİV: Bayden sentyabrda COVID-19-la mübarizə çərçivəsində Zirvə görüşü keçirmək niyyətindədir

ABŞ Prezidenti Co Bayden

© APA | ABŞ Prezidenti Co Bayden

# 03 avqust 2021 06:16 (UTC +04:00)

ABŞ Prezidenti Co Bayden sentyabr ayında BMT Baş Assambleyasında COVID-19 və gələcək pandemiyalarla mübarizə mövzusunda onlayn Zirvə görüşü təşkil etmək niyyətindədir.

APA xəbər verir ki, bu barədə “Axios” xəbər portalı sözügedən təşəbbüsün müzakirəsi ilə tanış mənbələrə istinadən məlumat yayıb.

Forumun məqsədi “delta” ştammının yayılması ilə əlaqədar ölkələrin koronavirus əleyhinə peyvəndlərin tətbiqi istiqamətində səylərini gücləndirməkdir.

Agentlik qeyd edib ki, hazırda ABŞ rəhbərliyi qeyri-hökumət təşkilatları ilə belə bir konfransın detallarını müzakirə edir.

Xatırladaq ki, BMT Baş Assambleyasının 76-cı sessiyası sentyabrın 14-də təşkilatın Nyu-Yorkdakı qərargahında başlayacaq.

#
#

ƏMƏLİYYAT İCRA OLUNUR