Kolumbiyada nümayişçilərlə polis arasında toqquşma baş verib.
APA yerli “La FM” radiosuna istinadən xəbər verir ki, Yumbo bələdiyyəsində baş verən nümayiş zamanı etirazçılar bir neçə polis postuna hücum ediblər.
Hüquq-mühafizə orqanları ilə toqquşmalar nəticəsində 2 nəfər ölüb, 6-sı polis əməkdaşı olmaqla, 28 nəfər müxtəlif dərəcəli bədən xəsarətləri alıb.
Yaralılar xəstəxanaya yerləşdirilib.
Xatırladaq ki, Kolumbiyada aprelin 28-dən etibarən vergi islahatlarına qarşı nümayişlər davam edir. Etiraz aksiyaları paytaxt Boqota, Kali, Medellin və digər şəhərləri əhatə edib. Ümumilikdə 1000-dən çox insanın xəsarət aldığı, 42 nəfərin öldüyü bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
